Пра нас
Інстытут развіцця развіцця і сацыяльнага рынку ў Беларусі і Усходняй Еўропе (англ.: Institute for development and social market in Belarus and Eastern Europe) — незалежны навукова-даследчы і аналітычны цэнтр, які пачаў сваю працу ў 2011 годзе.
Місія Інстытута — садзейнічанне фарміраванню ў Беларусі мадэлі плюралістычнай дэмакратыі, развітай грамадзянскай супольнасці і канкурэнтнага эканамічнага парадку, заснаванага на прыватнай ініцыятыве і сацыяльнай адказнасці бізнесу.
Мы імкнемся да супрацоўніцтва з беларускімі і ўсходнееўрапейскімі арганізацыямі, палітычнымі і эканамічнымі суб’ектамі для распаўсюджвання гэтай мадэлі ў рэгіёне Усходняй Еўропы, а таксама садзейнічаем больш цеснай рэгіянальнай супрацы.
Нашы каштоўнасці:
У аснове гэтай мадэлі ляжыць уяўленне аб тым, што галоўную ролю ў грамадстве гуляюць асобы і розныя сацыяльныя групы. Менавіта разнастайнасць групавых інтарэсаў абумоўлівае палітычны кампраміс як неад’емны складнік палітычнага працэсу. Разам з тым, плюралістычная дэмакратыя базуецца на кансенсусе па базавых каштоўнасцях. Для плюралістычнай дэмакратыі характэрна ключавая роля парламента, а таксама іншых прадстаўнічых інстытутаў у палітычнай сістэме. Разнастайнасць групавых інтарэсаў спараджае плюралізм асацыяцый, якія ўплываюць на дзяржаўную палітыку. Гэтая мадэль характарызуецца дэцэнтралізацыяй працэсу прыняцця рашэнняў, пры якой вялікую ролю адыгрываюць тэрытарыяльныя органы ўлады і мясцовыя супольнасці.
Грамадзянская супольнасць з’яўляецца аб’ектыўнай неабходнасцю для ўстойлівага грамадскага развіцця і спрыяльнага сацыяльнага асяроддзя. Для эфектыўнага развіцця грамадзянскай супольнасці неабходны наступныя інстытуцыйныя ўмовы: трохбаковае партнёрства «дзяржава — грамадзянская супольнасць — прыватны бізнес», удзел грамадзянскай супольнасці ў рэалізацыі дзяржаўнай палітыкі ў розных сферах, магчымасць прасоўваць у палітычнай сістэме і рэалізоўваць самыя розныя грамадскія інтарэсы. Развітая грамадзянская супольнасць характарызуецца актыўнасцю грамадзян у грамадскіх справах праз удзел у самых розных сацыяльных і тэрытарыяльных утварэннях, якія валодаюць аўтаноміяй ад дзяржавы.
Яна грунтуецца на спалучэнні эканамічнай свабоды і сацыяльнай роўнасці. Мадэль СРГ заснавана на разуменні чалавека як Божага тварэння, чыя годнасць і свабода з’яўляюцца недатыкальнымі. СРГ з’яўляецца парадкам, у якім свабода, адказнасць, салідарнасць і справядлівасць дапаўняюць адна адну. Згодна з канцэпцыяй СРГ дамінуючай формай уласнасці ў эканоміцы з’яўляецца прыватная ўласнасць, недатыкальнасць якой гарантуецца дзяржавай. Гэтая мадэль паспяхова рэалізоўвалася ў пасляваеннай Нямеччыне і посткамуністычнай Польшчы. СРГ здольна эфектыўна працаваць як у пераходны перыяд, так і на наступным этапе эканамічнага развіцця.
Мэты Інстытута:
- Распаўсюджванне і папулярызацыя мадэлі плюралістычнай дэмакратыі і грамадзянскай супольнасці, а таксама канцэпцыі сацыяльнай рынкавай гаспадаркі (СРГ)1
- Стварэнне навуковай школы СРГ у Беларусі, рост яе ўплыву на распрацоўку і ажыццяўленне эканамічных і сацыяльных рэформ у Беларусі2
- Умацаванне супольнасці вучоных і экспертаў з Беларусі і Усходняй Еўропы, якія падзяляюць нашы каштоўнасці3
- Падрыхтоўка законапраектаў, праграм і рэкамендацый, якія садзейнічаюць сістэмным трансфармацыям у палітыцы, эканоміцы, сацыяльнай сферы і рэгіянальным супрацоўніцтве ў адаведнасці з місіяй Інстытута4
- Правядзенне даследаванняў, падрыхтоўка аналітычных дакументаў і публікацый5
- Садзейнічанне ўмацаванню грамадзянскай супольнасці і пашырэнню яе сацыяльнай разнастайнасці6
- Спрыянне эфектыўнаму рэгіянальнаму супрацоўніцтву краін і зацікаўленых актараў ва Усходняй Еўропе ў сферы палітычнага і эканамічнага супрацоўніцтва, бяспекі, сацыяльнай і гуманітарнай дзейнасці7
- 1Распаўсюджванне і папулярызацыя мадэлі плюралістычнай дэмакратыі і грамадзянскай супольнасці, а таксама канцэпцыі сацыяльнай рынкавай гаспадаркі (СРГ)
- 2Стварэнне навуковай школы СРГ у Беларусі, рост яе ўплыву на распрацоўку і ажыццяўленне эканамічных і сацыяльных рэформ у Беларусі
- 3Умацаванне супольнасці вучоных і экспертаў з Беларусі і Усходняй Еўропы, якія падзяляюць нашы каштоўнасці
- 4Падрыхтоўка законапраектаў, праграм і рэкамендацый, якія садзейнічаюць сістэмным трансфармацыям у палітыцы, эканоміцы, сацыяльнай сферы і рэгіянальным супрацоўніцтве ў адаведнасці з місіяй Інстытута
- 5Правядзенне даследаванняў, падрыхтоўка аналітычных дакументаў і публікацый
- 6Садзейнічанне ўмацаванню грамадзянскай супольнасці і пашырэнню яе сацыяльнай разнастайнасці
- 7Спрыянне эфектыўнаму рэгіянальнаму супрацоўніцтву краін і зацікаўленых актараў ва Усходняй Еўропе ў сферы палітычнага і эканамічнага супрацоўніцтва, бяспекі, сацыяльнай і гуманітарнай дзейнасці
Каманда
- Андрэй ЛаўрухінАкадэмічны дырэктарPhD, старшы аналітык Беларускага інстытута стратэгічных даследаванняў (BISS, Літва), эксперт Грамадскага Балонскага Камітэта. Кіраўнік дэпартамента філасофіі Еўрапейскага гуманітарнага ўніверсітэта ў Вільнюсе (2009−2011), дацэнт дэпартамента сацыялогіі Нацыйнага даследчага ўніверсітэта «Найвысокая школа эканомікі» у Санкт-Пецярбургу (2014−2022).
- Роза ТурарбекаваВядучы аналітыкКандыдат гістарычных навук, даследнік Цэнтра даследаванняў Усходняй Еўропы Універсітэта Юстуса-Лібіха (Гісен, Германія), стыпендыят DAAD. Запрошаны прафесар Еўразійскага Нацыйнага Універсітэта ім. Гумілёва (Астана, Казахстан). Раней дацэнт ФМА БДУ, запрошаны прафесар ЕГУ (Літва), намдэкана ўніверсітэта «Кайнар» (Казахстан). Адмысловец па актуальных праблемах вонкавай палітыкі краін Блізкага, Сярэдняга Усходу і Цэнтральнай Азіі; даследаванням канфлікту і тэорыі вядзення перамоў. Сфера бягучых навуковых даследаванняў — праблемы стварэння сістэмы рэгіянальнай бяспекі ў Цэнтральнай Азіі.
- Зміцер КухлейВыканаўчы дырэктарМагістр палітычных навук і міжнароднай эканомікі, аналітык беларускай экспертнай сеткі «Наша думка». Выпускнік Вышэйшай школы дзяржаўнага кіравання (Беласток, 2006) і Усходне-Еўрапейскай школы палітычных даследаванняў пры Радзе Еўропы (Страсбург, 2009).